المزح ملح الجلسة

يوم انه اخطأ بالحساب وضاقت وضقت اببـــــتدي

بالخالق الرب الرحوم الوالــــــي ما غيره ولــــــــــــــــــي

يمه عيوني شاخصه يمه أنا برفع يـــــــــــــدي

يمه ولا غيره اروح يوم انها بصدري تغلــــــــــــــــــــــــي

والرجل لو صدره وسيع من الثرى ليــــن الجـدي

بعض السوالف كارثه صخره وحطـــــت من علـــــــــــــي

مسننه مدوره طــــــــــــولٍ وعرضٍ وتعــــــــدي

خابت عسى يالله كريم صابت اصابت مقتلـــــــــــــــــــــي

طقه خبث مدري جهل على نياته واجــــــــــودي

حسبتها لقيتها مهما حصل كما يلـــــــــــــــــــــــــــــــــــــي

واحد مزح راحت عليه وواحد بحكم المعتـــــدي

وواحد يواحــد واحد والله يعيـــــــــن المبتلــــــــــــــــــي

حلو الكــلام الحلو واحلى منه تكفى يابعــــــــدي

صمت رسم هيبة رجل ورجلٍ من الهيبه ملــــــــــــــــي

والمزح ملح الجلسه ويزعل من المزحـه ردي

وكانك تبي تمزح معي حذراك لا تمزح علــــــــــــــي

ارسم حدودك ياجودي ان كان ماتبي ابتدي

والا تعد حـــدودك وتلقاني من عقلي خلـــــــــــــــي