رحت البحر

رحت البحر من بعد عام ..

والبال توًه ماسلا

جيته وقلت اله السلام ..

رد السلام ارحب هلا

مديت له يمناي وقام..

صافحته بدمع الولا

قال الوضع عله تمام ..

قلت أولي تحولا

واللي على خده وشام ..

وشفايفه كسرة حلا

راح وتركني للهيام ..

والنار جوفي تشعلا

قال انتبه يابن الكرام ..

ماالحب الا الأولا

ارجع وخلخل فالنظام ..

يمكن تحل المسألا

مرات ما يقفى الخصام ..

الا مشاريب الغلا

والشوق لو دق اللثام ..

مقفي يعود مكبلا

قلت السموحة والختام ..

أخذ الكلام مكملا

ماعاد لي فيها مرام ..

ولاعدت انا وهي عملا